Feeds:
Bydraes
Kommentare

Posts Tagged ‘Wolke’

005

Toe gaan maak ons n vinnige draai in Clarens ... in die goeie ou Vrystaat, nie Switserland nie. Daar was wolke in die lug bo die dorp met die aantog om elf minute oor twaalf, Woensdagoggend 1 Februarie 2017.016

Die dorpie het, soos meeste klein dorpies, n heel interessante geskiedenis. Die dorp is gestig in 1912, die selfde jaar wat die Titanic hom teen n ysberg vasloop en sink. Iemand bekyk n berg aan die rand van die dorp en besluit dit lyk vir hom baie na die sinkende skip en die berg word terstond “Die Titanic” gedoop. En so word die skilderagtige dorpie onwetend permanent verbind aan verganklikheid, want die naam Clarens is gekies weens die verbintenis van die omgewing met oud president Paul Kruger wat in ballingskap in Clarens in Switserland tot sy einde gekom het nadat sy Republiek hom ook teen n Ysberg vasgeloop en gesink het.

Teen 14.34 die middag dreig die wolke steeds op die horison van die Maluti berg se kant af.

021

Dit was moontlik op so n dag in hierdie omgewing dat die moord op vyf ZA burgers gepleeg is en wat Paul Kruger destyds genoop het om oorlog teen die Basoetos te verklaar. Kruger en sy burgers gaan vermoor op hulle beurt n klomp Basoetos en wen die oorlog. n Monument ter ere van die 5 vermoorde burgers staan op die dorpsplein. Daar is geen monument vir die vermoorde Basoetos nie. (meer…)

Advertisements

Read Full Post »

Voor die storm

216

Sê Marli gister; daar is min dinge so mooi soos n sonsondergang voor die storm. En gisteraand was dit so.

221

Daar was selfs groen feëtjies in ons tuin, en toe kom die storm. Gelukkig is ons weer die ergste gespaar. Net reën, baie reën. Ons is dankbaar.

214

Read Full Post »

Wolke

Sky 8

Soos ander mense gepla is met die Maan, so is ek en baie ander mense, selfs beroemdes soos Annie Dillard en ook Goethe, gepla met wolke. Toe die kinders nog klein was het ons op ons reise altyd gekyk na die gesigte, monsters, diere, engeltjies en ander wonderbaarlike goed wat deur wolkvormasies uitgebeeld word as jy net jou verbeelding bietjie gebruik.

Hier praat Goethe uit sy hart uit oor sy geliefde onderwerp; Wolke

The great German poet set out to adapt Howard’s essay into a series of short musical poems, one for each of the major classes of clouds, together titled Howards Ehrengedächtnis (In Honor of Howard) — a beautiful celebration of the eternal dialogue between art and science in the shared enterprise of illuminating nature’s mystery, and an immensely heartwarming homage from one great illuminator to another. (meer…)

Read Full Post »

Dinsdag 22 April 2014 dou voor dag op pad deur die land se steenkoolgedrewe “Powerhouse”. Op die horizon, tussen bome spartel die son vergeefs om deur die digte rookmis sy gesig te wys.

Sky 1 (2)

Oggendlied

Môre son en wolke ver agter senuwees

agter visioene van silwer bloed –

hoe gaan dit anderkant die wêreld?

jy ook al op, pitpyn?

                                                                Breyten Breytenbach

`n Paar minute later slaag Sol daarin om rooi-oog deur die mensgemors te loer

Sky 2 (2)

En die oggend

toe die son met ranke stralend oor die ringmuur klim

het die bloeisel soos `n bruin pêrel

geruisloos

van die boom geval

                                Antjie Krog (Winterbloeisel)

In my geval het die bloeisel soos `n rooi pêrel, geruisloos op my bakkie se neus geval.

Annie Dillard sê: “Beauty and grace are performed whether or not we will or sense them. The least we can do is try to be there.”

Sky 4 (2)

Asof om te vergoed vir die mens se besoedelde lug, begin die son die wolke verf in laatherfs kleure.

Sky 5 (2)

Sky 7 (2)

In haar boek “For the time being” skryf Annie onder die opskrif “Dated Clouds” van John Constable wat op 12 Junie 1824 “painted squally clouds over Brighton beach. They swirled from a central black snarl.”

In 1828, terwyl sy vrou op sterwe lê, skilder hy weer die wolke oor Brighton beach. Die skilderye is nog met ons. Maria is nie meer nie.

En nou is die oggend wolke oor Mpumalanga ook gedateer. Ook die die laat middag wolke op my pad terug is vasgelê. Steeds donker en half dreigend van koud of reën.

Sky 10

En gister, op 24 April 2014, volg hierdie helder wit, eensame stil wolkie my regs van die pad vir goed die helfte van my tog suidwaarts. Toe ek weswaarts koers verander, het die son en wind hom begin uitrafel tot slierte wit teen die helderblou herfslug.

049

Dated clouds by a dated man.

Read Full Post »

Ontspan

Na ‘n woelige dag.

Read Full Post »

%d bloggers like this: