Feeds:
Bydraes
Kommentare

Posts Tagged ‘Toer’

Vanaf n grys en koue Luderitz en sand bedekte Kolmanskop gaan die reis voort deur Windhoek vir n blitsbesoek aan Swakopmund. Aangesien die seewater kouer is as die bier, bly hulle uit die water en hou by die bier.

Namibian Holiday 2017 Swakopmund

Van daar trek die kampeerders na die Kgalagadi Oorgrens Gemsbok Park toe. Kgalagadi “place of thirst” en oorkant die grens in Botswana waar die grootste gedeelte van die park lê is die dors groot, maar nie na water nie … hulle “frack” vir geld. Twee derdes van die park in Botswana is verkoop vir fracking, die moderne weergawe van die Bybelse pot lensiesop.

Namibian Holiday 2017

SCHOOL PRAYER (By Diane Ackerman)

In the name of daybreak
and the eyelids of morning
and the wayfaring moon
and the night when it departs,

Namibian Holiday 2017

I swear I will not dishonor
my soul with hatred
but offer myself humbly
as a guardian of nature,
as a healer of misery,
as a messenger of wonder
as an architect of peace.

Namibian Holiday 2017

In the name of the sun and its minors
and the day that embraces it
and the cloud veils drawn over it
and the uttermost night
and the male and the female
and the plants bursting with seed
and the crowning seasons of the firefly
and the apple, I will honor all life

Namibian Holiday 2017

—wherever and in whatever form
it may dwell—on Earth my home,
and in the mansions of the stars.

Namibian Holiday 2017

Namibian Holiday 2017

Namibian Holiday 2017

Die fotos is geneem deur Hannelie.

Die gedig: Diane Ackerman’s Poetic Invitation to Attentive Presence as a Means of Transcendence and Secular Spirituality

Uit haar bundel:

I Praise My Destroyer

Advertisements

Read Full Post »

Salzburg Oostenryk.

Vader Duitsland 2014

Deur die goeie guns van ons gasheer en gasvrou word ons op ´n uitstappie na Salzburg in Oostenryk getrakteer. Oostenryk, die land van kontraste. Geboorteland van Adolf Hitler die aspirant kunstenaar, maar uiteindelik diktator en “Fürhrer und Reichskanzler” van Nazi Duitsland, gebore in die dorpie Braunau. Die man met tien miljoen Joode op sy kerfstok. Aan die ander kant is Oostenryk ook geboorteland van Wolfgang Amadeus Mozart, geniale en flambojante musiekant/komponis. Sover ons weet het hy nie een mens se dood veroorsaak nie, maar ons weet hy het miljoene mense groot plesier verskaf met sy musiek. Gebore in Salzburg waarheen ons nou op pad is om onder anderre ook na die huis te gaan kyk waar hy gebore is.Vader Duitsland 2014

Vreemde land, want dit is ook die land waar twintig melkkoeie met kalwers nou onlangs ´n stapper (hiker) vrou en haar hond bestorm het en die vrou vermoor het. Die berig sê nie of die hond dit oorleef het nie. Moordenaar koeie. Verstommend!

´n Pragtige land. Grasgroen en bergagtig. Beskaafd (die mense, duidelik nie die koeie nie) tot in haar diepste valleie en hoogste bergtop. Volgens statistiek die land met die 12de hoogste per kapita inkomste ter wêreld, met ´n bevolking van net meer as agt miljoen mense wat, soos ´n bedorwe tiener nog steeds sukkel om ´n eie identiteit weg van Grootboet Duitsland te vind.

Saltzburg. Dorp van sout of Kasteel van sout of so iets. Nie omdat die dorp van sout baie sout het nie, maar omdat skepe wat sout op die Salzagrivier vervoer het tolgeld by Saltzburg moes betaal. En julle dog Sanral is erg!

Vader Duitsland 2014Eerste indrukke: Die voordorp waardeur jy ry om by die oudorp uit te kom is grafstil. Dit lyk soos ´n spookdorp met geen voetganger in sig nie. Vreemd. Nog ´n vreemde ding. Die parkeerplek waar ons parkeer vir die dag is diep binne in die berg se maag. Dis soos ´n spelonk uitgekap uit graniet. En jy ry met ´n hysbak af straat toe waar jy duisende ander toeriste wat so half koersloos drentel, raakloop.

Ons gidse ken die plek en ons geite. Eerste stop is ´n baie ou, baie mooi kerk, nog steeds in gebruik. Ons neem die verpligte toeriste fotos. Daar is ook ´n baie ou begrafplaas. Ons neem fotos. En nog ´n kerk. Ons neem fotos. Daar is inderwaarheis 35 kerke in Satzburg. Ons laat die ander 33 met rus. Hongerte dryf ons na ´n deftige restaurant by ´n klooster. Die lees van die spyskaart doen wondere vir ´n mens se hongerpyne … dit verdwyn soos mis voor die son. Die pryse laat jou spoeg terstond opdroog en daarom bestel ons bier, groot glase bier om die keel weer nat te kry. Toe loop ons weer straat af op soek na Salzburg.

Vir die interessantheid. Die aanwas onder mense (statistiek vir moordenaar koeie is nie beskikbaar nie) is 1,42 kind per vrou. In 2012 was 41,5% vroue wat geboorte geskenk het, nie getroud nie. Oudominee kry ´n hartaanval as ek hom dit vertel. Losbandige Sondaars, sal hy sê! (meer…)

Read Full Post »

Kerkbesoek

Duitsland 2014

Dinsdag, ´n vars nuwe dag in Munich. Ons eet ´n heelike ontbyt, komplimente van ons gasvrou. Komplimente ook aan ons gasvrou. Dit was heerlik. Net weereens te veel. Sy voer ons vet!

Kerke, dit is wat ons vandag gaan besoek sonder suit en tie, en Marienplatz, en Viktualienmarkt, en ´n Biergarten natuurlik. Ons ry die eerste keer trem. Dit is fantasties. Jy loop basies uit jou huis uit, oor die straat en jy is by die tremstasie. Hier koop jy by ´n masjien jou kaartjie. Elke 10 minute kom daar ´n trem verby. Jy klim op, druk jou kaartjie in ´n masjien wat dit pons en dan sit of staan jy. Niemand kom kyk of jy ´n kaartjie het of nie het nie, en of dit gepons is of nie gepons is nie. Maar almal doen dit. Niemand klim sonder kaartjie op, of laat na om dit te pons nie. Ongelooflik, is dit nie? Vir ons wat so gewoond is aan wetteloosheid is dit verbasend en verblydend om te sien.

Duitsland 2014 Duitsland 2014

En as jy nie met die trem wil ry nie is daar busse wat op en af ry. Of jy kan met ´n moltrein op die U-Bahn ry, of as jy verder en vinniger wil ry kan jy met ´n sneltrein op die S-Bahn weg blits. Of jy kan dit waag en met ´n gewone Taxi met ´n vrou agter die stuur ry, of jy kan met ´n trapfiets taxi die middestad besigtig. Vir die wat braaf en fiks genoeg is, is daar fietse om te huur. Duisende Duitsers ry fiets in die stad. Maar tegnologies gevorderd is die Germane, stiptelik en uiters bevoeg. Alles werk soos dit moet, en hulle beur vooruit teen ´n helse pas die toekoms in. Dit is bewonderenswaardig. Waar gaan hulle oor twintig jaar wees? Waar gaan ons in ou Afrika oor twintig jaar wees, wonder jy. (meer…)

Read Full Post »

%d bloggers like this: