Feeds:
Bydraes
Kommentare

Posts Tagged ‘Sagmoedige Neelsie’

Op Herrie se spoor na Meiringspoort

Ons ry vroeg uit Colesberg weg, en verdwaal sowaar in die dorp op soek na die snelweg! Die aanwysings in die dorp is maar trietsig (of gesteel?). Gelukkig wys `n vrolike man op pad werk toe vir ons die afdraai wat ons gemis het en toe is ons op koers na die volstruisdorp, Meiringspoort en dan Mosselbaai.

Die trek na Meiringspoort is nie oor ons, soos Sagmoedige Neelsie van destyds, sonde met die bure het nie. Dit is ook nie oor ons groot geleerdheid in groot boeke wil loop soek, of soos Neelsie n boek wil skryf “waar daar siel in is en hart en brein, humor en patos, gevoel, verstand, peillose mensekennis. n Boek wat jou laat lag en jou laat huil, wat jou laat smag na die onbereikbare, wat jou gedagtes wegvoer tot die berge en die afgronde van oneindigheid.”

Nee, ons trek na die poort (sonder olifant op n tremspoor) is heel beskeie. Ons wil gaan vakansie hou, gaan rus by die see. Meiringspoort is vir ons n poort na saligheid, vir n baie kort rukkie.

Ons pak die Groot Karoo aan. Die pad lê pragtig oop na die Suide. By die Drie Susters loop ons die manne met die driewiel ysterperde wat voor die Horse & Mill gestaan het weer raak. Ons gooi petrol in, koop ontbyt (Simba akyfies en Coke, die ander eetgoed lyk erg verdag). Die plek het onherkenbaar verander. Voorheen was dit n lieflike plek met n plaas atmosfeer. Nou is dit maar net nog n siellose Ultra City. Die Drie Susters lyk genadiglik nog net soos altyd. Mens wonder wanneer gaan iemand die briljante idee kry om geld te maak uit n kabelkar teen die Susters op. Behoede ons van so n aberasie. (meer…)

Advertisements

Read Full Post »

%d bloggers like this: