Die ondier

Keer ons rerug uit Duitsland van ´n heerlike kuier by sus Cobi en Johan. Ontspanne en rustig. Toe gryp ´n dodelike griep ons aan die keel so saam met die ontnugtering van die tragedie wat ons droewige land geword het na 1994.

Ek lees van vernietigende stakings en plundering, van lewensverlies, moord en doodslag, en die eentonig reëlmatige plaasmoorde. En in die bos verhef Steve driftig sy Stem, waarna daar natuurlik die gewone handeklap uit die een hoek, en ´n gebrul en klipgooi uit die ander hoek uit volg. So veglustig soos altyd, ons mense.

In Rapport lees ek Sonja Loots skryf van ene Annalet Steenkamp wat ´n dokkie gemaak het met die naam: “I, Afrikaner”. Dit gaan glo oor haar eie familie. In een toneel skiet ´n boer ´n jakkals dood, en as sy suster sê die diertjie is so cute, dan sê die boer nee, hy is k*k en dit is die enigste ding wat k*kker is as ´n kaffer.

Nou ja, dis ´n baie k*k ding om te sê. Onnosel, Afstootlik. Maar ´n paar dinge pla. Waarom so ´n toneel in die prent invoeg? Is dit eg, of was sy bietjie “kreatief” vir groter trefkrag? Het ons nie genoeg probleme soos dit is nie? Waarom die dokkie aan ´n uitgelese (hoofsaaklik swart) gehoor by die African Arts Initiative gaan wys? Sensasie? Opsetlik rassehaat aanblaas? Het sy die prent met daardie toneel in aan haar familie vertoon? Wat was hulle reaksie?

Ja ek weet, ´n dokkie oor die goeie dinge in die land gaan nie geld maak nie. En wat is beter as so ´n sensasionele prent om jou loopbaan (en die ego) ´n hupstoot te gee? Maar het sy gedink wat dit aan die veiligheid van ons boeremeenskap gaan doen? En het sy dalk al gedink daaraan om, as soort van teenprestasie, ´n prent te gaan maak oor die bloedige geweld van plaasmoorde op ons beleërde boeregemeenskap? Of pas so iets nie in haar agenda nie?

Dit is om van te huil, maar die Maandag staan ek op my trapmeul by die Gym. Onder by ontvangs staan ´n ou man, wit en in sy laat sestigs of vroë sewentigs. Afrikaanse oom. Ek sien hom gereeld in die Gym. Hy staan en gesels met die (swart) personeel. Toe kom daar ´n welgeklede jong, swart vrou aan en die twee omhels mekaar, hou mekaar op armlengte weg en lag en gesels soos ou vriende. Hy haal sy selfoon uit en wys vir haar iets, ek vermoed dit is fotos want hulle beduie en lag, en nog ander van die swart vroulike personeel kom staan ook en kyk en gesels. So gemaklik, so natuurlik. Sou Annalet so iets wou afneem? Waarom dink ek sy sal nie?

Dieselfde dag vertel my vrou van die ooievaarstee wat sy die naweek bygewoon het. ´n Niggie se dogter verwag haar eersteling. Groot opgewondenheid. Almal koop geskenke. Toe kom die huiswerker wat al jare by die skoonfamilie werk (en die pa van die ongebore baba help grootmaak het toe hy nog ´n snuiter was) by die man se ma en gee vir haar R200, want sy wil ook vir die nuwe ma ´n geskenk koop wat by die teeparty vir haar gegee moet word. Toe gaan koop sy (in haar armoede) op haar eie nog ´n klein geskenkie wat sy persoonlik aan die jong ma oorhandig.

Wat sê dit van ons? Ons, op voetsoolvlak gee om vir mekaar. Ons respekteer mekaar. Ja daar is sotte wat nie dink voor hulle praat nie, maar hulle is iin die minderheid Ek glo daar is net soveel, en dalk baie meer sulke goeie dinge wat daagliks in ons droewige land gebeur. Maar niemand hang dit aan die groot klok nie. Ons laat toe dat ekstremiste en kwaadstokers ons intimideer en ´n wig tussen ons indryf vir hulle eie politieke of persoonlike gewin.

Ons was in Duitsland. Ons was by Dachau. Ons het die gaskamers gesien, en die oonde, en die dokkies met skreiende relase van mense wat die kampe oorleef het. Dit is oorweldigend. ´n Mens se verstand word oorweldig deur ´n oorlading van onmenslike vergrype. Daar is die Joode ook eers verkleineer deur kirikature van hulle te maak (bobbejane wat die Stem sing?), hulle kultuur en taal belaglik te maak, en later te verontmenslik deur hulle aan diere gelyk te stel. (verwys na die een swart vrou se opmerking na sy Annalet se prent gesien het “It was good to be reminded of the nature of the beast.) Van hier af is dit maklik om die Volk op te sweep om die diere se eiendom te vernietig, dan in kampe saam te bondel, en dan om hulle soos diere te esktermineer.

Die Hemel help ons. Ons speel met vuur. En die eksterminators gaan nie vra of jy mooi opruiende dokkies gemaak het en of jy die Stem gesing het nie. Jou wit velletjie, en net jou wit velletjie alleen gaan teen jou getuig: Jy is ondier. Jy moet dood.

Read Full Post »

Pret met Rapport

Daar was natuurlik weer oorgenoeg moord en doodslag in Sondag se Rapport:

“Ma skiet seun, haar … en leef”

“Buurman skiet bure.”

“Trane vir hul maats.” oor die twee kinders wat deur hulle pa geskiet is.

Maar daar was ook ander sotlikhede:

“Malema wil Zuma in tronk sien” Een boef aan `n ander boef. Erg droewig. Wat dalk nog meer droewig is, is die geld wat Zuma aan sy vriend Mugabe gee, en nou word vertel dat Mugabe geld aan Malema gee om sy party op dreef te kry!

“Seks was `n lokval” Vavi oor sy lus wat hom oorval het. Hoop hy het gestort na die tyd?

“Dit is toe nie porno”  oor die film “Of good report.”  Nou is die ou bedeling bykans volmaak gedupliseer met `n raad van sensuur (Kommisarisse/ouballies?) wat links en regs tjappe uitdeel “Verbode, Verbode” Genade, daar is inderdaad niks nuuts onder die son nie!

R34,1 miljoen rand word gegee aan iemand (lees BEE) om `n baba boutiek mee te begin.

Dan seker die domste opmerking van die dag: “Dit sal onmoontlik wees om wit ekonomiese bemagtiging te doen” Halooo. Is daar regtig iemand op die planeet wat so iets beplan of oorweeg?

Daar was egeter ook hierdie juweetjies:

“Pampoen gaan spat” oor landbougrond in die Kaap wat bebou gaan word.

“Die ‘Drone’ in die drinkwater.” Human se helikopter debakel by Mandela se hospitaal.

“Vaardihede moet ontwikkel word” Mantashe ontdek die waarheid 20 jaar te laat.

En Pik Botha: “ANC verraai Kodesa met kwotas” ook hy skrik 20 jaar te laat wakker.

“Jake se wraak”  en sy stelling dat die Brumbies (wie hulle ook al mag wees) wat slimmer is as die Bloubul spelers, wat toe reg bewys word met die “briljante” besluite van die die Bulle wat hulle uiteindelik die wedstryd kos. Ai tog. Miskien moet volgende jaar se beeld op Trafalgar Plein `n bene in die lug Blou Bul wees, om die blou hoenderhaan te vervang!

Dan was daar ook `n blerts pitkos:

Dawie Roodt se skrywe oor “demografiese divident.” Baie stof tot nadenke daar.

Sê hy, oor 50 jaar gaan die witmense net 5% van die land se bevolking uitmaak. Dis nou as daar nie voor dan `n massa uittog van witmense gaan gebeur nie. En natuurlik ook as hongersnood en geweld nie nog miljoene mense uit Afrika hierheen gaan jaag nie. Dan kan die prentjie drasties verander. Die demografiese prentjie sowel as die armoede prentjie.

Self vermoed ek die syfer gaan nader aan 1% as 5% wees. Net ons dommes en oumense gaan uiteindelik oorbly. Daai aan-die-gang Antie (Angang) meen reeds witmense is nie meer `n faktor in die land nie, en sy is reg. Zille kom dit ook stadig agter. Die wedloop vir die swart stem is voluit aan die gang.

Orania hier kom ek!

 

 

Read Full Post »

Sondag

Trietsige Sondag, en daarby is die weer ook nie te wonderlik nie dankie. Gebruik die dag om hangkas skoon te maak en reg te pak. Man moet die jaar skoon aanpak sodat die eindtyd teen Desember jou nie onnet en ongepoets betrap nie.

Die sondagblad, die grootste Afrikaanse een in die ganse wêreld, is ook maar trietsiggerig. Ons “bekokstower” het nie weer die woord bekook nie, en Rachelle Greef het op die kreef gaan staan en kots. Klitsgras Bellingan raak omgeklits en heel stekelrig oor vuil water terwyl ons vriend Koos op sy oudag (en na menige brandewynbottel sy gat gesien het) verdrietig lamenteer oor die voël toe nooit regtig vry geword het soos wat hy destyds beloof het sy struggle vriende beslis en sonder twyfel met die voël sou doen nie. Hy voel beswaard want die onderwys, wat destyds so swak en so `n onmenslike simbool van onderdrukking was, is vervang met `n voël van anderste, veronderstelde wonderlik bevryde  vere, en die voël het nou `n windeier gelê. Aldus vriend Koos.

En so gepraat van voëls. Mens verstaan ons Prez ook nou baie beter na sy slim planne met rygoed aan ons verduidelik is. Man gebruik 4 vliegtuie om van hier tot in New York en terug te kom.  Drie vlieg gelyktydig en op die laaste been terug ry hy sommer `n vreemde Franse meisie (Airbus A340) terwyl die ander 3 in gelid volg.  Die verduideliking vir die baie rygoed vir een trip? Vir as daar met een fout sou gaan, dan is die ander nog daar om te kan ry. Nou verstaan mens hoekom hy so baie vrouens het?

Dan word ons ook deur `n ouerige antie Z Jongbloed ernstig gemaan om te begin dink aan die nasionalisering (of is dit die voëlvry verklaar )van goeters soos myne en banke en plase soos deur die malman en sy trawante op aangedring word. Mens het begrip vir die soort van ding. Gesondheid, onderwys (hoog en laag), verdediging en die provinsies is deur staasamptenare briljant tot anderkant bankrotskap geplunder, maar banke (sommige boere) en myne maak nog goed geld en dit is onregverdig, nee, dit is onmenslik. Die sluise moet oop, die dam moet leeg.

En so waggel die land die weg van die Dodo terwyl die honde en die varke en die plunderaars/veroweraars (net soos die Hollanders destyds op Mauritius gedoen het) die lewe uit hom uit wurg vir die pret daarvan.

Daar is darem ook goeie nuus. Discovery Health het besluit dat jou psigiatriese hulp van hierdie jaar af onbeperk gedek gaan word. Wat `n verligting. Nou kan ek en my psigiater rustig verder gesels met die stemmetjies in my kop.

Read Full Post »

Sondag

“For in effect, of all the actions a man may take in order to create himself as he wills to be, there is not one which is not creative, at the same time, of an image of man such as he believes he ought to be. To choose between this or that is at the same time to affirm the value of that which is chosen; for we are unable ever to choose the worse. What we choose is always the better; and nothing can be better for us unless it is better for all.” (Jean-Paul Sartre. Existentialism & Humanism. 1948)

Well ja so fine. Op die voorblad van die grootste Afrikaanse Sondagkoerant in die ganse heelal (paralelle universe uitgesluit)rook die “Laan” se manne dagga en besoek `n tikhuis. Later  sê een hy het nie geweet dis `n tikhuis nie
(al was hy binne in die huis!) en die ander een se bestuurder sê hy kan nie
onthou dat hy daar was nie. Miskien was hy te getik om te onthou?

Ma sê sy wil ok van daai dagga goed hê want Tsubane sê hy het so baie gewig verloor oor hy die goed rook en sy sukkel haar vrek om een ons te verloor al gym sy haar nerwe af.

Het iemand gesê ‘we are unable to choose the worse’?

Nog voorblad nuus is dat ons vriend die mega-egomaniak (Moeammar) Malema sê hy gaan 80% van alle wit grond vat. Krismis is om die draai en die man wil seker geskenke uitdeel in aanloop tot die verkiesing wat voorlê.

“‘Dronke’ ry vyf atlete soos domino’s langs pad dood” boem, boem, boem x5 vir wat spring die dom donners voor my kar in ek ry net rushtig hier op pad na my hyshhhh toe. “There is not one that is not creative”? Ashh hulle ok soosh ek die hele aand gesit en syp het, shou hulle nou nog gelewe het, kyk hoe lewendig ishh ek nog.(Oefen is nie goed vir jou gesondheid nie?)

Bladsy 4. Skote klap na vrou manlief in vrouklere in ander vrou se huis betrap. Genade, dit kon baie erger gewees het. Sy kon hom in vroueklere in `n ander man se huis betrap het! Sy beland in die tronk na ons skietlustige manne in blou (dra hulle nog blou uniforms?) haar kar vol gate geskiet het, en dit net omdat sy `n duik in een van hulle se kar gestamp het. Nou is sy uit die tjoekie uit, maar manlief het weer die pad gevat. Ons vermoed hy het erg geheg geraak aan daardie rooi jas.

Ons kies, ons kies vir die mensdom. Ons kies eintlik net verskriklik dom. Dit het niks met die mens te doen nie, of het dit?

Op bladsy 8 verloor ET weer sy onderbroek. Destyds was dit die groen een met gate in by Jani se woonstel, nou is dit `n blou een sonder gate wat weg is. Bisar. Gek.

Ons kies. “nothing can be better for us unless it is better for all.”

“Die arme ding het soos `n vark geskree,” sê Danie Odendaal, een van die SA huursoldate wat Ghaddafi  uit Libië moes smokkel. Moeammar is erg gemartel voor hy geskiet is. (DUSL)?

“To choose between this or that is at the same time to affirm the value of that which is chosen;” Ons kies oorlog en verdriet, elke keer.

Generaal Mobutu Sese Seko van die Demokratiese Republiek van die Kongo was `n kannibaal!!

Bladsy 10. Tieners se seksvideo’s. Op Mxit is daar `n 4 minuut lange video in omloop van `n graad 8 seun en graad 10 meisie wat langs die skoolsaal seks het. Afgeneem deur `n mede leerling. Is glo niks ongewoons nie. Daar is menige eksplesiete video’s en foto’s in omloop, selfs van kinders so jonk as 9 en 10 jaartjies oud. Daar is selfs `n video, gemaak deur die ouers van `n 16 jarige seun waar hy en nog 2 maters seks het met `n 14 jarige meisie.

“(he chooses) … an image of man such as he believes he (man) ought to be.” Wild en bandeloos? Die mens is `n wondelike ding, inderdaad.

DUSL (do you scream loud?)

GNOC (get naked on cam)

GYPO (get your pants off)

Dit is die boodskappies in kode (nie vrek oorspronklik nie!) wat die kinders vir mekaar stuur sodat ouers nie kan weet wat hulle kinners vir mekaar skryf nie.  Wat dink jy is die kans dat `n volwasse man (of vrou) sulke foto’s vir `n meisie (of seun) van 14 of 16 gaan stuur/reeds gestuur het? Maak dit nog saak as dit gebeur?

Soos die kinders sê; dis veilig, jy kry nie Vigs daarvan nie en jy kan ook nie swanger raak nie. Dan is dit mos die oplossing vir die ongoddelike pas van bevolkings aanwas. Verplig almal tot kuberseks; Bevolkingsaanwas 0, plesier 100%. Net vannaand nog stuur ek vir my vrou `n foto.

Op bladsy 23 bieg predikante oor hulle nie meer glo wat hulle preek nie, maar die arme drommels kan ook nie ophou preek nie want dit bring pap op die tafel, (`n Merc in die oprit en `n huisie by die see?) Hulle “lieg” dus openlik vir die gemeente, glo nie in lewe na die dood, opstandieng of die Hemel nie. As die herders herderloos geraak het, sal die kudde die wolf gespaar bly? Is dit vreemd dat kinders seksvideo’s openlik vir mekaar stuur, dwelms gebruik. En ons skreeu blou moord dat die regering korrup is terwyl ons geestelike leiers ons van die kansels af bedrieg!

Ons kies. “In fashioning myself I fashion man”.

Daar is tog `n bietjie genade. Die agterblad; Rapport Model 2011. Die mens kan maar so lyk, dis pragtig. Vir die vroue is daar die Spiertiere om na te kyk. Seks objekte?

“You say it is in the name of human dignity that man refuses to regard man as an object. That is false: it is for a reason of a philosophical and logical order: If you postulate a universe of objects, truth disappears.”

Go figure.

“Man is the future of man” sê ene Ponge en JPS stem volmondig saam.

As mens die koerante so lees, dan lyk die toekoms van die mens (of dalk die toekomstige mens) nie so mooi nie. Maar hel, dis pret! (ESBH  … ek skree baie hard!) Laat waai met die onderbroeke, daar is `n lewe om te gaan leef daar buite in die kuberruim. Kaalgat. (Onthou net, dit kan dalk jou dogter se kaal foto wees waaroor jy so kwyl.)

 

Read Full Post »

Ou Nuus

Rapport 4 September:

“Div wen ronde 1” lees die hoof opskrif. Hy het glo die Rooi Drake se afrigter met die bek aangevat en gewen. Is nie heeltemal soos ek dit lees nie, maar nou ja, nou moet sy span nog net gou die wedstryd ook wen. En dan wag daar nog die Groen Goggas, die Pienk Olifante, die Blou Bere en wat nog? Ken nie die lot nie, maar klink vir my of die Ark oop is en die diere in `n pot verf gedonder het.

Ook op bladsy 1 word gevra of die Mugu (‘skuus Etiene) wys genoeg is/ die intelektuele vermoë het om die regbank te lei. (of gaan ons ly a.g.v `n gebrek aan bogenoemde by die agbare Mogoeng Mogoeng). Dit behoort nie teen die man te tel nie, gegee die totale gebrek aan bogenoemde by meeste van die ANC leierskorps.

Op bladsy 4 begrawe `n dorp sy kinders. Hoeveel moet nog so dood op ons paaie voor iets daaraan gedoen gaan word? Ry gister straat af. By `n 3 rigting stop hou ek en `n poliesman stil en kyk vir mekaar. `n Bakkie kom aangery en sonder om eers te maak of hy wil stop, ry hy links van die poliesman verby, reg oor die stopstraat en daar gaan hy. Ons gergsdienaar maak of hy niks gesien het nie en ry rustig verder. Vandag ry ons
agter nog `n poliesman in sy groot BMW. By `n stopteken, wat tog vir alle mense ongeag kleur, geloof, politieke oortuiging, seksuele voorkeure  of geslag geld, ry hy dood rustig oor sonder om `n oog te knip. Teen `n rustige 70km/h was hy beslis nie haastig op pad om rowers en moordenaars te gaan vang nie.

Op bladsy 10 sê mnr. Mhaga, woordvoerder van die nasionale vervolgingsgesag Tony Yengeni gaan nie vervolg word oor hy die Maatskappywet oortree het nie want …. wag daarvoor …. ‘hy het bloot nie die wet nagekom nie’ en dit is nie so erg nie!!!!!! (Verwys na berig op bladsy een oor die Mugu soos hier bo genoem) As ons wetstoepassers en regeringsamptenare nie ons wette nakom nie, hoekom sal Jan en alleman dit dan doen? Die bloed loop, die slagting duur voort, ons begrawe ons kinders.

Op bladsy 5 skryf Cedric en Piet Rampedi hoe Zuma sy eie medisyne moet sluk. Malema, sê hulle, het mooi by Vader Leier (nie Broer Leier nie, hy dwaal nog iewers in die woestyn, al 40 dae en 40 nagte lank) geleer hoe om groot manne tot `n val te bring. Maar ons Prez hou nie van die medisyne nie en nou dwaal Vader Leier ook al dae lank in annerland rond, ver weg van die gemors.

Gaan vir my ook `n vliegmasjien koop om weg te vlug van my moeilikhede.

Erik Holm sê dat die primitiefste vorm van sosiale gedrag/interaksie is mededinging. Albei (of dalk alle?) partye in die interaksie verloor of bates, of energie of selfs `n lewe. Dit is `n vermorsing. Kommensalisme of mutualisme (simbiose) is verweg `n beter manier van saambestaan.

Op bladsy 11 bedreig koperdiewe die nasionale
veiligheid. (Gaan dit dus in die toekoms teen die wet wees om daaroor te berig, gegee die nuwe wet op inligting wat die nasionale veiligheid bedreig?) Koperdiefstal is sekerlik `n vorm van wat Holm noem kleptobiose, die steel van ander se energie. In dié geval die steel van die tyd en energie wat dit geneem het om die koperdrade te maak en te gaan installeer. Die tyd en energie wat dit gaan vat om die drade te gaan vervang en die tyd en die energie wat dit vat om diefstal te probeer voorkom. En as die energie op raak soos by Telkom, dan vervang jy eenvoudig nie meer die gesteelde drade nie en so val ons piesangrepubliek stuk vir stuk in `n anargistiese rioolput.

Kleptobiose, die siekte van Afrika. Om te steel tot daar nie meer energie oor is om eers te probeer om te vervang wat gesteel en afgebreek word nie, wat nog van om te bou en te vernuwe soos in die res van die beskaafde wêreld.

Op bladsy 12 gaan die jong Dingaan Baartman `n elektriese ingenieur word sodat hy aan die SKA-projek kan gaan werk, dis nou as niemand intussen die skottels gaan steel en verkoop as skroot nie,  en op bladsy 13 gaan oom Bob se mense in Zim volgende jaar Maartmaand weer vir hom stem sê hy. En as hulle dit nie doen nie maak dit ook nie `n hel saak nie, hy sal bly regeer tot die wurms hom eendag vreet.

En op bladsy 14 staan Yolande Wagener, pragtige kind in blou, baie min blou. `n Klein bietjie genade vir die siel na die worsteling met die banaliteit van ons daaglikse bestaan. Soos Irma Du Plesies sê: ‘Genadelose waarheid sonder bemiddeling is brutaal, en volkome oorgawe aan begeerte is onmenslik.’ (dalk eerder allesvernietigend?) En moet ons seks, (die consenting soort tussen volwassenes) ook as deel van die onmenslikhede insluit? Dêm, die lewe is droewig genoeg soos dit is.

Read Full Post »

`n Woeste week op die tuisfront

Woeste naweek agter die rug. Anneries Bekker vry vir `n beker op `n parkie se bankie, en Benni Mac en Fernandes die Bafana doelwagter score in `n hotelkamer nog voor daai spel wat nie genoem mag word nie afgeskop het. Getroude manne wat nou sal moet keer vir hulle wickets want Ma is op die oorlogspad..

MaNtuli het moontlik `n broodjie in die oond wat nie deur Vader Jacob gebak is nie. Dieselfde Ma moes glo verlede jaar `n wit bok (let wel, `n wit bok!) koop en aan Vader Jacob gee as straf na sy die Vader glo in die verleentheid gebring het met haar uitgesprokenheid.

Daar sal nie genoeg wit bokke in die land wees as die Vader van die volk vir ons `n wit bok moet gee vir elke keer wat hy die land in die verleentheid gedompel het nie.

Nog `n ou wat `n wit bok sal moet uithaal is Vavi van Cosatu wat die ANC in die verleentheid stel met sy wilde stellings oor korrupsie, selfverryking en geldmors. Wie? Ons? Nog nooit gesien nie Kameraad. Hoe kan jy dit van ons sê! Ons stuggle dan so lekker saam op die soustrein.

Ons eie Afrikaner-vryheidsvegter, DomDaan Roodt gaan smee hegte bande met Neo-Natzies in Europa. Dit behoort die Jode hier plaaslik opgewonde te maak, en die Afrikaner nog meer van `n muishond in die oë van die res van die beskaafde wêreld. Miskien moet hy by Osama Bin(ge)Ladin ook gaan hulp vra. Die man weet alles daarvan om beleerd te wees.

Intussen kan Terror ook nie Cope met die aards kommunis Shilowa wat met geweld alleen aan die stuur van sy (Terror) se soustrein wil staan nie. En Vader Jacob dink hy het probleme met sy baie vrouens ….. en kinders wat tot ons almal se skande, tydig en ontydig uitpop.

Gelukkig was daar op Rapport se agterblad darem `n ene Nadine Kasselman (19) wat die koue naweek so effe opgevrolik het.

En ek het steeds nie die Lotto gewen nie. Dêm!

Dan was daar natuurlik die nuus dat die uwe se brief aan Rapport as die beste brief van Meimaand gekroon is! Nou ja, dan gaan dit ook maar sleg met die briewekolom van die grootste Afrikaanse Sondagblad in die ganse wêreld!

Read Full Post »