Feeds:
Bydraes
Kommentare

Posts Tagged ‘God’

Oorlog en vrede

Is dit tog nie vreemd nie. Syfers wat pas bekend gemaak is wys dat daar sedert Maart 2011 tot Junie 2012, (dus 15 maande) 14,000 mense in Syrië dood is weens die geweld tussen die regering en die opstandelinge daar. Weens die hoë sterftesyfer sê die VN hulle beskou Sirië nou amptelik as in `n staat van burgeroorlog. Voorspelbaar genoeg, is die hele wêreld in oproer oor die skending van menseregte en die lyding van kinders aan die hand van `n Bose regering.

Wat nou vreemd is aan die storie is dat daar hier by ons, in enige redelike 12 maande, meer as 20,000 mense vermoor word. Op `n goeie (of slegte) jaar is daar al tot 29,000 mense vermoor. En vanuit die VN en alle dele van die wêreld is daar `n dawerende stilte.

Is dit omdat ons in Afrika, suid van die Sahara en dus deel van swart Afrika is dat niemand omgee nie? Watter soort syfers sal die Wêreld dan na hulle kollektiewe, verontwaardigde asempies laat snak voordat hulle lamsakkige sanksies teen die heilige ANC begin oorweeg: 100,000; 500,000 of miskien 1 miljoen per jaar?

Intussen sien ek die ekstreem Regses begin nou dreig met oorlog as hulle nie binne 18 maande `n Tuisland toegestaan word nie. Dit terwyl hulle nog onder mekaar baklei oor waar die Tuisland dan moet wees.

Op die onnosel trant gaan ons dan dalk binne die volgende 18 maande of so die merk van 100,000 dooies per jaar haal. Sal die Wêreld dan kennis neem?

Ek dink nie so nie, want dit gaan grootliks wit (Afrikaner) lyke wees, en soos destyds in Duitsland met die Jode, gaan die wit outjies hier nie baie simpatie van daar buite af kry nie. Nie eers `n nabetragtende emosionele traantjie soos wat die Jood (ook maar meer vir die vertoon) lank na die tyd gekry het nie.

In PG se boek “Fees van die ongenooides” sê die een karakter Sannie in die konsentrasiekamp, na die dood van haar kinders en die tyding van die dood van haar man Jakop; “Jakop is maar nóg net een van die bloed- en kakstrepe waarmee die Here sy oorlogsprentjies verwe.”

Daar is nog baie kaal doeke wat wag om deur die Groot Verwer beverf te word. En ons is tog só bereid om die bloed en kak te voorsien waarmee geverf kan word! Dit is ook meer van `n refleksie op ons gekheid as op Hom, want ook daardie skermutselingkie met al sy K en B kon voorkom gewees het as ons na die voorbeeld van die Seun geleef het.

Of miskien is Hy nou in Sy rooi en bruin fase van ontwikkeling, en sal Hy later in `n geel en pienk hartjies en blommetjie fase ingroei? Of, behoede ons, in Picasso se transendente drogbeelde.

 

Read Full Post »

“Iemand wat egbreuk pleeg met die vrou van `n medeburger, moet doodgemaak word. Dit geld die man en ook die vrou wat egbreek pleeg.”

“He who is fully occupied in his desire for God has no time in this work to consider who is friend  or foe, kin or stranger”

“Silence and spaciousness go together. The immensity of silence is the immensity of the mind in which a centre does not exist.”

“Only a life lived for others is a life worth while. The man who regards his own life and that of his fellow creatures as meaningless is not merely unhappy but hardly fit for life.”

“Wanneer `n man `n verloofde meisie in die stad raakloop en met haar gemeenskap het, moet jy altwee na die stadspoort toe uitbring en met klippe doodgooi.”

“For thirty years God was my mirror, now I am my own mirror. What I was I no longer am , for “I” and “God” are a denial of God’s unity. Since I no longer am, God is his own mirror. He speaks with my tongue, and have vanished.”

“If a sage would guide the people, he must serve with humility. If he would lead them, he must follow behind.  In this way when the sage rules, the people will not feel oppressed: When he stands before them, they will not be harmed. The whole world will support him and will not tire of him.”

“The good is one thing, the pleasant another; these two, having different objects, chain a man. It is well with him who clings to the good; he who chooses the pleasant, misses his end.”

“Then Jael Heber’s wife took a nail of the tent, and took a hammer in her hand, and went softly unto him, and smote the nail into his temples, and fastened it into the ground: for he was fast asleep and weary. So he died.”

“The Eagle, although it is not moved by the circumstances of any living thing, has granted a gift to each of those beings. In its own way and right, any one of them, if it so desires, has the power to keep the flame of awareness; the power to disobey the summons to die and be consumed.”

“One who does all work as an offering to God – abandoning selfish attachment to the results – remains untouched by Karmic reaction or sin as a lotus leaf never gets wet by water.”

“Those who perceive Me in everything and behold everything in me, are not separated from Me, and I am not separated from them.”

“The one who does all works for Me, and to whom I am the supreme goal; who is My devotee, who has no attachment, and is free from enmity towards any being; attains Me.”

Heart of Darkness (Photo by NASA)

Bogaande aanhalings kom uit die Bybel, die Bhagavat Gita, die Upanishads, die skrywe van Al-Bistami `n Moslem “mystic”, die Tao Te Ching en ander geinspireerde geskrifte.

Is die Bybel geïnspireerd en dus heilig?

Daar is dele in die Bybel wat bloot geskiedenis is. Daar is dele wat tot naarwordens toe afstootlik is. Maar daar is ook, soos ook in die aangehaalde werke, inspirerende gedeeltes wat mens oor en oor kan lees.

Die Heilige Gees, glo ek,  kan `n natuurtoneel gebruik om jou te inspireer, of `n kind, of `n  kunswerk of  `n tsunami om jou tot insig en wysheid te bring.

Om God aan een Boek vas te pen is om die Heilige Gees te beperk tot ons menslike begrip, om dit vas te vang in `n stagnante tydperk van 2000 jare,  verbeeldingloos, onversetlik, ongevoelig vir die nuanses van verstaan oor eeue en kulture heen.

Read Full Post »

Uit ‘n anner oog.

Net gedog om ‘n biekie humor in te bring.

WAARSKUWING: Enige iemand wat dink mens mag nie saam met g_d lag nie moet liewers maar verby gaan.

 

Bad stuff happens when God is at a long movie


  Neil McMahon

http://www.iol.co.za/general/other/lol_container.php?click_id=2708&art_id=iol1078097565384C450&set_id=40

Read Full Post »

God is dood?

Die gestoei op die net oor geloof, God, die skepping en hoe bewys jy die bestaan van God en waarom glo jy hoeganaamd in ‘n God, veral ‘n God van liefde soos die kerk dit voorhou ten spyte van al die moord, geweld, rampe en hongersnood, laat mens tog bietjie dink. Dit laat jou dink oor presies wat jy glo en wat jy nie glo nie. Verbasend genoeg is dit makliker om te besluit wat jy nie glo nie. Dit is om te verwoord wat jy wel glo wat ‘n probleem is. Dit is soms selfs heel skokkend as dit daar swart op wit voor jou staan want dit is beslis nie wat jy in die kerk geleer het nie.

Wat ek nie glo nie is dat daar niks is die dag as jy dood nie. Vir ateiste soos Andrew en die ander ouens wat met flippiefanus stry oor sy geloof en God, is daar niks meer as net die materie waaruit alles saamgeslaan is nie. Die dood beteken die einde van die organisme en dit is dit.

Kwantum fisika leer ons dat alles uiteindelik uit energie bestaan, en energie is onvernietigbaar. Die lyf vergaan dus, word gevreet deur wurms, maar die energie waaruit dit saamgestel was bly voortbestaan. Miskien net in die voortbestaan en vermeerdering van die wurms en bakterië wat dit verteer? Dalk, maar wat dan van die ouens wat so gereeld hier deur ons huis dwaal, onbekende siele wat hier rondhang vir ‘n dag of twee en dan weer verdwyn? Wat van die mense wat so onrustig, selfs angstig by hulle eie begrafnisse opdaag soo Elsa hulle gereeld sien?

Lyall Watson skryf in sy “Gifts of unknown things” dat die wetenskap gewoonlik lank na die tyd bevestig wat die esoteriese tradisies al vir baie jare verkondig. Dinge soos die menslike aura wat lank reeds bekend was en in kuns as halo’s bo sogenaamde heiliges se koppe geteken is, is onlangs maar eers bevestig deur Kirlian fotografie. Op TV hardloop ouens rond met apparaat en neem geeste  en geluide van geeste af. Die tegnologie is nog nie vervolmaak nie maar dit bewys al reeds wat die wetenskaplikes voorheen as bog afgemaak het. As die mistisisme en die Bybelse stories dan reg is oor geeste, kan hulle ook reg wees oor die ander bewerings?

Wat ek nie glo nie? Sommer van die begin af, ek glo nie in die opstanding van die vlees soos in ons kerke bely word nie. Word sommer naar by die gedagte. Met watter lyf gaan Dolly Parton opstaan; groot borste, klein borste, met of sonder die face lifts? Gaan die lyf 18 of 50 of 90 jaar oud wees? Meeste mense hou nie van hulle lyf soos dit is nie, hoekom sal hulle in die hemel daarmee opgeskeep wil sit? Vir my is die enigste opstanding van die vlees, en ek glo die Bybel het dit dalk ook so bedoel, is “opstanding” deur reinkarnasie. Ek glo nie in die “one shot” teorie van gebore, geleef, ge-oordeel en als is verby nie. Jy kies om dit oor en oor en oor te doen omdat dit so lekker is.

Ek glo nie in die ou man met die wit baard wat daar op sy troon iewers in die hemel sit nie. Die god geskape na ons beeld en na ons gelykenis, ou Zeus op Olympus wat ons van die Grieke oorgeneem het. Ek glo nie in die storie van ‘n 3 enige god nie. Dit is ook van die Griekse mitologie oorgeneem wat dit weer van ander gelowe oorgeneem het. God is gees. God is dit wat is. Christus was iemand baie besonders, ‘n verligte een, ‘n Buddha maar niks meer god as ek en jy nie. Hy het net geweet wat en wie hy was na sy ondervinding in die woestyn soos die Buddha na sy ondervinding onder daai boom. Die Vader gedagte is weer ou Zeus en ons het dit nie nodig nie, nie in hierdie verligte eeu nie.

Die Groot Opstanding? Wat as die Christus nie uit die dood uit opgestaan het nie? Wat as hy wel opgestaan het maar nie in die hemel opgevaar het soos die storie vertel word nie maar saam met Maria sy ma en Maria Magdalene (the companion) uitgewyk het na Kasmier en daar sy werk van genesing en prediking voortgesit het soos dit uit navorsing wil lyk?

Vir my gaan dit om die boodskap en nie die man nie. Sal hom graag eendag wil raakloop en gesels. Miskien is geloof juis dit, om te glo tenspyte van.

Kan jy net in die hemel kom as jy in Christus glo? Sal ‘n genadige God alle mense tot die hel verdoem wat voor Christus se tyd geleef het? Dit wil ek nie glo nie, net soos ek ook nie glo dat die hemel ‘n plek soos Pretoria, net baie grênder is nie. Ek glo nie die antie se NDE storie van groen gras en paleise van huise vir elkeen, riviere glashelder en skoon (onthou die ANC regeer nie daar nie!) met vis wat jy kan vang en braai op ‘n Sondagmiddag op vlekvrye staal braaiplekke en silwer eetgery. Ek neem aan daar is dan ook duisende gewillige bediendes wat agter jou sal opruim terwyl jy jou middagslaapie gaan geniet.

Miskien is daar so ‘n plek vir die wat dit so wil. Dit is nie vir my nie dankie. Het nog nooit van visvang gehou nie en sal dit ok nie oorweeg om daar bo by die jagklub aan te sluit nie, of die rugby klub nie.

So, is daar ‘n God? Daar is iets, iets baie groter as ons, noem dit dit wat is, noem dit die onnoembare maar moet hom nie op ‘n troon sit nie, dit vermenslik hom, beperk hom en maak dat die Andrews van die lewe baie slimmer is as Hy.

Read Full Post »

%d bloggers like this: