Feeds:
Bydraes
Kommentare

Posts Tagged ‘fotos’

Sak die son weer besonder mooi oor ons dorp vannaand

026

Dit is so pienk as wat dit was, maar vreemd genoeg wou my selfoon met die volgende poging nie weer die pienk vaslê nie.

Vir een of ander rede het hy besluit die son behoort mos geel onder te gaan en nie soos `n meisie in pienk getooi nie!

025

028

Vyf dae gelede was daar belofte van reën, maar daarvan het nie veel gekom nie.

005

Intussen is Munich nog steeds getooi in die mooiste wit

003

En more is dit weer blou Maandag. Woensdag ry ons Clarens toe.

fb17

My meisie wat nie wil nie.

Read Full Post »

005

Die plaaslike meerkat trek saam met sus Cobie en Johan na Munich toe waar dit tans op die voorstoep waghou oor die tulpe in die tuin. Die gedierte lyk heel tuis tussen die Germane.

030

Ook die twee vroue in tradisionele Afrika-drag staan trots in tussen die Duitsers, piepklein onder die bos pragtige tulpe uit hulle eie tuin.

En uiteindelik, na baie gespook het ek hierdie opdrag skildery ook klaar gekry. Die mooie kind is al amper een jaar oud en die prentjie is nou eers klaar!

014

Dit is hoe sy deesdae lyk

029

 

 

Read Full Post »

Die naweek in prentjies

011

Vreemde bees beeld. Is hy besig om in die aarde weg te sak, of klim hy uit? Is `n baie mooi stuk beeldhou werk.

050

Steeds tussen die beeste. Die gevalle koei. Vreemde ding. Kinders klouter op haar rond en speel met die spene. Ek wonder of die stadskinders enige idee het van wat dit is. Hoeveel het al ooit `n koei in lewende lywe gesien?

055

Indaba? Bosberaad? Of gereed vir die geveg soos ons maar altoos in hierdie droewe land van ons doen? Miskien Piet Retief en Dingaan wat onderhandel oor grond? Miskien as hulle dit kaal gedoen het soos die twee, sou hulle die absurditeit van die situasie kon insien en daaroor lag, dan was niemand dalk vermoor nie.

051

Ma en die Rooi Man in druk gesprek oor die merite van`n kunswerk. Die man het nie veel te sê gehad nie. Sy dink nie hy weet baie van kuns af nie.

048

Vriendelike Skepper van beelde. Erg “gerook” gesels hy `n hond uit `n bos uit en poseer vir die foto. Toe hy hoor die een beeld is op pad Duitsland toe gee hy `n ekstra hoendertjie vir ons persent.

077

Die man met die saksefoon. Speel te wonderlike musiek, maar elke keer as ek hom wil afneem terwyl hy speel, dan loop hy weg in `n ander koers. Toe gaan neem ek maar klopdansers af wat ook in die omgewing was. Dom soos ek is met die tegnologie dog ek die selfoon is op video gestel. Toe ek later kyk is daar net een foto van die dansers se agterkant geneem, en `n video van die grond voor my voete! Het wel later `n kort knipsel video van hulle gemaak.

Read Full Post »

Kuns

Mooi bly maar mooi, of dit nou handgemaak of uit die natuur kom. Om dit raak te sien of raak te loop is altyd inspirerend, soms self onthutsend, maar altyd `n seën.

Kuns Houtskool 61

Potlood skets deur Diego Fazio

Kuns Olie op doek 9Olie op doek deur Robin Eley

Kuns Potloodskets 60

Potloodskets deur Francis Clum

Die werk lyk sowaar soos fotos! Die ouens mag maar so maak, dis pragtig.

Peachmeg14

Foto van Jason en Lillian se dogter in London

Timed Pix 1

Perfectly timed!

Diere

Aandoenlik! Die baba wesie en die mens wat vir hom ma speel.

Dit laat `n mens tog beter voel na `n naweek se berigte van bloed wat steeds daar buite vloei.

Read Full Post »

Fake foto’s

Hierdie is regte, egte,ware foto,s. Njannies kapella en op my woord.

Dit moet salig wees om so te sit en eet!!

En jy moet regtig `n dom fotograaf wees om so `n foto te neem (of dalk `n baie aspris een?)

 Vergeet van Goliat en die reuse, ek is moeg

En dit is `n egte, regte baie siek lammetjie.

Read Full Post »

Eerste ryp

Meimaand het amper nat gebly, maar die reën se fut was uit. Net ‘n biekie mis, en ‘n paar powere pogings om donnerstorms te maak, toe kom die winter

Mistigheid innie bosveld

 Het gisteroggend ons eerste kwaai ryp gehad. Winter is nou amptelik hier.

Ryp innie laagte

Beskut teen die suide wind, is daar nog ‘n spatselkie groen hier en daar.

Somer se laaste groenigheid

Die jakarandas het nog nie hulle blare verloor nie, en hulle vet sade roer innie wind.

Vrug vannie somer

Poppie snuffel innie gras rond, sit dan pen oorent en tuur die verte in.

Poppie innie winterson

Read Full Post »

Die laaste een

Wat sal jy doen as die heel laaste rolletjie 35mm film wat ooit geproduseer gaan word, aan jou gegee word met die opdrag: gaan neem jy hierdie allerlaaste 36 foto’s?

Wat gaan jy afneem? Wat wil jy vir ewig so vaslê?

Dit is presies die opdrag wat aan Steve McCurry, die man wat die “groen-oog Afgaanse vlugteling meisie” vir National Geographic afgeneem het, gegee is.

Steve het vir 9 maande beplan aan die opdrag en toe met sy Nikon F6 vir ses weke op reis gegaan deur die wêreld en die laaste 36 foto’s gaan neem; Indië, Turkye, Afganistan, Italië en nog ander plekke waar hy voorheen foto’s geskiet het.

Die eerste Kodachrome films is in 1935 gemaak, die laaste een in 2009. Die einde van `n era het aangebreek. Ou tegnologie is deur nuwe tegnologie vermoor. Die digitale mik-en-druk het, miskien teen alle verwagting in, die mark oorgeneem.

McCurry se persoonlike argief van foto’s beloop `n aardige 800,000.

Dit is goed dat die ou meester die een is wat die era kon afsluit. Hy kan beslis foto’s maak. Heelwat beter as wat ek dit doen!

Wat sou ek afneem vir so `n opdrag? Ek weet nie. 36 kaal meisies? Nee, miskien tog dalk net een! Die res?

Laat ek dit maar liewer in die hande van `n ekspert laat.

Read Full Post »

%d bloggers like this: