Feeds:
Bydraes
Kommentare

Posts Tagged ‘Afrika’

Wit soos sneeu

Terwyl ons hier onder die Afrika son uitbraai, en soms natreën, stuur sus Cobie fotos van `n sprokies winterwêreld uit Duitsland. Iets baie vreemd vir ons kinders van Afrika.

Voor die sneeu kom, kom die ryp, maar nie so ieffie-ieffie soos ons dit ken nie. Hulle ryp lyk soos sneeu by ons.

006   004

012

En toe kom die sneeu. Gewoonlik gebeur die groot sneeu eers in Februarie en Maart, maar so elke 4 jaar kom dit vroeg in Januarie soos hierdie jaar. Sprokiesland.

017   019-2

026    031

022-2

Terug in Afrika sak die son oor 2016.

048

Read Full Post »

Aliens

Berigte van `n UFO landing het bekend geword. Die moederskip is besig om tentakels uit te stoot om die Aarde oor te neem.

China trein 2

In werklikheid `n treinstasie in China

China trein 1

As iemand nog glo die toekoms is swart en nie geel nie, moet hulle weer dink. Hierdie ouens is nie dom nie, inteendeel.

China trein 3

Moontlik die vinnigste trein op aarde, en dit is nie in Afrika gebore nie.

Afrika 2PC

Read Full Post »

Desember blues

Sie ek dat vyf WordPress blogers iewers raad gee oor hoe om Desember te oorleef. Dit help my veel.

Een vertel hoe jy jou kinders van Kersvader moet speen sonder dat die bloedjies erge trauma beleef. Help my niks, my kinders is lank reeds gespeen van daardie rooigeklede vetteman. Dit is dalk deesdae vir hulle `n probleem om hulle pa te oortuig dat Vader Krismis nooit regtig bestaan het nie. `n Mens kan wens, kan jy nie? Kyk wat het Vader Krismis vir Zuma gegee vir kersfees, `n hele dorp genaamd Nkandla!

Die ander bloger beveel aan dat jy party tot diep in die nag, maar dat jy jou gaste se motorsleutels wegsteek sodat hulle jou moet help om die huis weer aan die kant te kry, eers dan gee jy hulle sleutels terug. Klink na `n goeie plan, maar dit is gewoonlik nie nodig nie. Teen die tyd wat ons en ons gaste ons roes afgeslaap het, het die honde die vloere en die borde reeds skoon gelek en is dit weer gereed om vir ontbyt gebruik te word!

Ons leef in `n vreemde wêreld, en die kontras in leefwêrelde is seker nerens groter as in Afrika nie. Sommige se kerstafels kreun onder die kos en ander suig letterlik aan die agterste speen!

Afrika 219

Onthou ek die dag toe ek, skaars groter as die kannetjie hier bo (en nog sterk onder die indruk dat Vaderkrismis regtig is) van die verkeerde kant af aan `n koei se speen getrek het. Sy het my terstond tussen die oë geskop dat ek sterretjies sien. Dalk die dat die koppie op sy oudag van tyd tot so bietjie raas?

Durban 1970Wat nie een van die blogers aanbeveel ter oorlewing van Kersfees nie, is om weg te bly van die strande af. In 1970 het ons, komende van die plaas af, gedink die strand is op kersdag onleefbaar vol mense gepak. Jy het dit liewer nie daar gewaag nie.

People celebrate New Years Day on a beach in DurbanOns was toe verkeerd. Op kersdag 2012 het dit so gelyk. Ter wille van oorlewing bly ons nou by die huis. Net soms, so elke twee jaar, dink ons dit sal makliker wees om die stand aan te durf as om by die huis te bly, ook ter wille van oorlewing en dit het niks met Vader Krismis te doen nie!!

Geseënde kersfees vir julle almal wat hier kom inloer. Maak nie saak of jy Christen, Moslem, Jood, Buddhis, Shintoïs of ateïs is nie. Mag die dag vir jou vreedsaam, vol geluk en genade wees.

Jesus_022_small

Read Full Post »

Afrika

En hoor jy die magtige dreuning, oor die veld kom dit wyd gesweef.

Afrika 2

Maar nie die dreuning van die Boerevolk se drome en aspirasies nie, dit is die dreuning van `n EVV (Ekonomies Verwarde Voorsinger) met `n rooi kep op sy kop. Onse JM het drome van grootsheid. Hy gaan die land aan die voorpunt van die Eerste Wêreld staanmaak, vreemd genoeg na die model van SUID Korea, en nie Noord Korea waar `n ewe ronde, ewe arrogante mannetjie die septer volgens JM se ware ekonomiese bloudruk swaai nie.

Afrika 1

Die man droom groot. Suid Korea is die 11de welvarendste land in die wêreld. Dit sou nice wees om skouer aan skouer saam met hulle in die voorste linies te woel, maar helaas, die prentjie lyk erg donker. Ons lees; Korea het `n hoë vlak van werketiek, is produktief, het `n lae misdaadsyfer en werkloosheid, het `n doeltreffende staatsdiens en onderwyssisteem met min of geen stakings nie. Koreane is gedissiplineerd en hardwerkend. (Boer in Ballingskap kan ons hier meer vertel?)

Afrika kaapstad-geweld Nardus Engelbrecht

Foto deur Nardus Engelbrecht

En nou lees ek van `n projek van `n multimiljoen Rand wat Microsoft in Soweto begin het en wat nou `n stille dood gesterf het. Al die honderde gratis rekenaars en ander toerusting is gesteel of verwoes, behalwe 3 wat `n onderwyseres in haar klaskamer toegesluit het. Die soveelste van sulke projekte hier te lande wat gesneuwel het.

Robert M van Zim. JM se groot vriend en rolmodel het pas die wêreld gevra vir voedeselhulp. Meer as 2 miljoen van sy mense kan dood van honger as hulle nie dringend gehelp word nie.

 

Maar JM dryf sy onverbloemde rassisme en roep om bloed en grond en goud, en daar is meer mense wat luister as wat die slim mense dink. Dit gaan `n magtige dreuning word vorentoe, nader aan die verkiesing.

Afrika Bees

Luister hoe dreun dit, dit is Afrika.

 

Read Full Post »

Afrika

Afrika, deur die oë van ´n vermaerde skrywer van vreemde plekke.

Paul Theroux besoek Afrika weer. Die keer loop sy reis uit die Kaap noordwaarts “until I found the end of the line, or in my mind”. En toe vind hy “the end of the line” in bloed deur oorlog en geweld gekrywe, en eindig sy reis voortydig, bitter en swartgallig.

Afrika 1

Sy vorige reis deur Afrika het gestrek van Egipte tot onder in die Kaap soos beskryf in sy boek “Dark Star Safari”. Op daardie reistog was hy ontnugter en redelik bedruk oor wat hy gevind en beleef het van die Afrika wat hy toe 30 jaar gelede verlaat het na ´n paar jaar van onderwyser en dosent speel. Die reis was nostalgies, maar hartseer oor die agteruitgang en verval. Tog het hy telkens verskoning gevind vir die verval, gewoonlik die kolonialiste die sondaars gemaak, die Afrikane die onskuldige slagoffers. Vir Suid Afrika en die vooruitgang hier het hy min geduld getoon, en vir die Afrikaner het hy geen goeie woord gehad nie.Afrika D9

En nou is hy terug en skryf hy oor sy ondervinding. Die toestand in ons land, en veral misdaad ontstel hom, en hoe verder Noord hy gaan, hoe meer geskok is hy. Korrupsie, geweld, anargie, siektes, dood, verval, en haat vier hoogty so ver hy gaan. Op sy vorige reis besing hy die lof van Afrika se terugkeer na bestaansboerdery praktyke, landerytjies al om die modderhuisies geskoffel en beplant. Dit was vir hom die toekoms, die ideaal wat Afrika sou red. Nou sien hy hoe die natuur stelsematig vernietig word en diere voor die voet uitgewis word vir kos, ivoor en renosterhoring.

Theroux skryf: “Countries I had loved to visit had imploded or failed,”. Die mense bedel onbeskaamd en, soos die vorige keer lamenteer hulle: “We have no money. The West wont give us any.”  Dit, soos hy self sien, terwyl die regeerders miljarde Dollars verdien uit goud en diamante en olie. Daar buite gaan mense dood van die honger en van siektes, soos ook hier by ons.

Afrika 3PCOu Afrika, ´n duisend jaar agter die res van die wêreld, ´n wêreld wat ook maar op ´n tyd woes en bloedig was en mekaar uitgemoor en verkrag het. Eers met spies en swaard, en toe met bomme.

Ou Afrika wat ons nou ook nou aan eie bas voel met korrupsie, moord, verkragting en doodslag. Met ons eie Prez wat desperaat keer vir sy wickets en elke slenter uit die boek inspan om nie vir sy wandade aanspreeklik gehou te word nie. Dis nag, dis Afrika donker, en dit gaan nog donkerder word. Soos Prof Adam Habib die naweek in Rapport in sy skrywe “Die nag kom nader”sê dat ons vasgevang is tussen “goed wat nie meer bestaan nie en goed wat nog nie (in afrika?)bestaan nie.” As ons nie daardie kloof vreedsaam kan oorbrug na dit wat kan en moet wees nie, dan is ons Arabiese Lente op ons, en niemand gaan gespaar word nie, nie eers die Prez nie.

Afrika 2

En dit lyk nie of Afrika gereed is om daardie sprong na die postmoderne tyd van tegnologie en politieke wasdom te maak nie, want dit is wat Theroux beleef het, daardie “misery of Africa, the awful, poisoned, populous Africa; the Africa cheated, despised, unaccommodated people; of seemingly unfixable blight: so hideous, it is unrecocnisable as Africa at all. But it is, of course – the new Africa.” Skryf hy bitter. Maar eintlik nog maar altyd Afrika, die Afrika wat hy, die idealis met sy Eurosentriese ‘skuldgevoel’ nooit wou sien nie.

Read Full Post »

Stomgeslaan

Sederd Sondag:

Ronel van Eyk by plaashek afgemaai.

Nege mense dood, onder wie 2 polisiemanne wat met pangas doodgekap is by Rustenburg myne.

Verdagte gesoek nadat vrou met hamer doodgeslaan is in Edenvale.

Ma (Marissa  Rudman) en haar vriend (Nolan Schoeman) skuldig aan moord op haar 2 maande oue baba. Baba het 22 ribfrakture, altwee voorarms was gebreek en sy breins het so geswel weens aanranding dat dit die skedel oop gedruk het.

Rudolf Viviers en Zain van Tonder veskyn in die hof nadat hulle `n Moslem man in Magaliesburg doodgeslaan en geskop het (omdat hy `n Moslem is/was!!!)

Man van Ventersdorp vas na hy verkeersbeamptes aanrand.

Die week is nog maar in sy babaskoene. Hoeveel mense gaan teen Sondag brutaal vermoor wees, om nie eens te praat van die verkragtes nie.

Ons kan baie meer  Olimpiese medaljes wen as hulle volgende keer moord en verkragting as sportitem aanbied.

Ek sien Liedjieboer (drinkebroer?) Anton Goosen sê hy is skaam om `n Afrikaner genoem te word. Mens neig om met die man saam te stem, maar om `n verskillende rede as hy. Hy voel beswaard omdat Afrikaners nie vir Mandela as Groot Gees wil eer nie. Ek skaam my vir die naakte haat en geweld waartoe ons, as sogenaamde beskaafde witmense, en selfs vir sommiges, die wit uitverkore Volk des Gods,  oënskynlik in staat is.

Hoe ver is ons hier nie verwyder van Nipun Metha se ondervindings gedurende sy staptog deur Indië nie. Hy sê: “Extremely poor villagers who couldn’t even afford their own meals, would borrow food from their neighbours to feed us. When we tried to refuse, they would simply explain: ‘To us, the guest is God. This is our offering to the divine in you that connects us to each other.’

Sterkte vir die week wat voor lê. Hoop julle oorleef dit.

Read Full Post »

Terrokraties gesproke

Ons droewige Terrokrasie:

In Rapport skryf Frans Cronjé dat Suid Afrika se politieke en ekonomiese “eindtydhorlosie” na ´n gevaarlike tyd van 23 uur 58 minute aangeskuif het. Dit is dus nou twee minute voor twaalf, die naaste aan 00:00 uur wat dit nog ooit was. Dit as gevolg van stommiteiete van die ANC die afgelope tyd. Maar eintlik word ons oor die afgrond gestoot deur die ANC se gebruik van sosiale terrorisme, die bedekte en selfs openlike dreigement teen die opposisie, maar ook teen sy eie mense.

Daar is die snoerwet, die dreigement om die grondwet (weereens) te verander om hulle nog ´n vryer, swaarder hand oor die gepeupel te gee. Bedrog op alle vlakke van regering op ongekende skaal, en die toesmeer en stille goedkeuring daarvan. En dan die dreigement, blaas die fluitjie en jy is in die moeilikheid. Intimidasie en terrorisering van die bevolking word verskerp en volgehou sodat die mag in hulle hande sal bly tot Jesus kom.

Daar word gedreig met onteiening van grond en die nasionalisering van banke en myne. Klagtes oor swak diens en verval van infrastruktuur word of geïgnoreer of brutaal onderdruk.

Dan is daar die geval Mdluli. Dit is sekerlik die krasste voorbeeld van die terrokratiese werkwyse van die ANC. Raak aan die man en jy verloor jou werk. Hou aan vervolg en daar word op jou geskiet. Dit is nie hoe ´n demokrasie veronderstel is om te werk nie. Dit is sosiale terrorisme so uit die boek uit.

En dit alles word gedryf uit die ANC se hoogste gestoeltes.

Op voetsoolvlak gaan dit bykans nog erger. Intimidasie van motoriste deur Metro Polisie is alledaags. Vrouens is te bang om alleen na ´n Polisiestasie toe te gaan, en dit helder oordag. Teaters en eetplekke maak toe omdat mense te bang is om in die nag uit te gaan. Die verandering van straatname en dorpe het niks met regstelling van onregte te doen nie, maar is net nog ´n voorbeeld van sosiale terreur teen een bevolkingsgroep. In die Oos-Kaap bly Koloniale (Engelse) dorpe en straatname onveranderd. In die (Afrikaanse) Noorde val die straat en dorpname histeries bevrydend. En maak jy beswaar is jy ´n rassis en dus sosiaal melaats.

Tussen die misdaadsindikate, die Polisie en die regering word die landsburgers sosiaal geïntimideer en geviktimiseer tot beangste stilswye. Dit is ´n aanduiding van hoe stewig ons terrokrasie sy wurggreep reeds op die bevolking het.

Die veelbesproke Zuma skildery is dalk net die geleentheid wat die ANC gesoek het om die die vlak van sosiale terrorisme na die volgende vlak te verhoog. Julle sal nie skryf wat julle wil nie, julle sal ook nie skilder en teken wat julle wil nie. Basies sal julle doen wat ons sê julle mag doen anders ….

Daar staan iewers in Die Groot Boek geskrywe: Ek sal my impies aangaande jou bevel gee … of so iets. En hulle sal jou skildery verwoes en jou dreig met openbare steneging en jou terroriseer tot jy bewend om vergifnis vra, of landuit vlug.

Of jy met die protes-skildery saamstem of nie is jou eie saak. Self dink ek dit is kru. Net ´n dowwe rooi polsende kol sou voldoende gewees het om die boodskap van morele verval oor te dra.

Geshe Kelsang Gyatso sê in sy boek “Living Meaningfully, Dying Joyfully”: “ Our sense of shame guards us against committing negative actions by appealing to our concience and to standards of behaviour that we feel to be appropiate. If we are unable to generate sense of shame we will find it extremely difficult to practice moral discipline.”

Om dus na vergrype en onwaardige optrede ontsteld aanspraak te maak op skaamte en waardigheid, is vals. Om dan terrokraties te dreig is natuurlik die aangewese oplossing, want in ´n terrokrasie mag niemand sê die Keiser is kaal nie.

Read Full Post »

Older Posts »

%d bloggers like this: