Daso, ditsim of hoe jy ook al daaroor voel, die foto/advertensie van die DA sudente het die Volk weer in oproer.

Soos gewoonlik snak die konserwatiewes, wit, bruin, rooi, geel en swart weer na hulle kollektiewe asempies. Die Afrikaner gryp na sy Bybel, die swart rassiste skreeu moord en die gewaande Engelse “liberales” kry die blou-aapstuipe net om te dink hulle kinders en kleinkinders kan dalk met `n swartmens trou/vry of wat ook al.

Iewers, `n tyd gelede het ek gelees van navorsers wat sê dat Amerika se bevolking teen 2040 grootliks bruin gaan wees weens immigrasie, onbeheersde aanwas onder swart en Latino burgers, maar ook as gevolg van vermenging (lees “seks”) oor die kleurgrens heen.

Al wat die DA dus op wys is die normale evolusionêre gang van die natuur.  Of soos Robert M Persig dit stel, op die lang duur wen biologie altyd.

Revolusie sê vervang en vernietig bestaande, bewese strukture (onderwys, gesondheid, polisie, staatsdepartemente, die ekonomie) met nuwe, ongetoetste sisteme. Vervang bekwame, opgeleide werkers met onbevoegde, onopgeleide werkers omdat hulle die revolusie steun of gesteun het.

Evolusie vervang bestaande strukture stelselmatig met nuwe, verbeterde en goed bedinkte strukture. Evolusie vervang ou personeel stelselmatig met nuwe, opgeleide, bevoegde personeel.

`n Goeie voorbeeld: Die regering begin `n stelsel genaamd Dinaledi in skole. Hiervolgens word geselekteerde (voorheen benadeelde) skole groot bedrae geld gegee om sisteme in werking te stel sodat  leerlinge aangemoedig kan word om wiskunde en wetenskap as vakke te neem.

Aan die einde van verlede jaar presteer hierdie skole gemiddeld swakker in wiskunde en wetenskap as die gemiddeld van al die ander skole in die land. Behalwe die een Dinaledi skool in die Kaap. By COSAT (Centre of Science and Technology) in Kayelitsha behaal die kinders byna `n 100% slaagsyfer.

Die verskil is, by COSAT word kinders met potensiaal/aanleg geselekteer om daar te kan studeer, terwyl die ander Dinaledi skole voor die voet leerlinge inneem. By COSAT gaan die kinders selfs Saterdae skool, by die ander skole daag die onderwysers laat of selde op om klas te gee.

Soos DA-Hellen dit stel, die ANC se leuse is; as almal dit nie kan kry nie, mag niemand dit kry nie. Uitnemendheid word `n vloekwoord.

In die townships, berig Fred de Vries, brand die jonges “handelsmerk” klere ter waarde van duisende Rande in die openbaar om te wys hoeveel geld en status hulle het. Die ou wat die duurste klere brand kry die lekkerste meisie, sê die manne. Maklike geld. Die ouers beklee (regstellend) hoë poste en voorsien die geld. Die kinders werk nie en gaan ook nie skool nie. Die samelewing skuld hulle. Dit is hulle reg om blink besete te lewe. “Om verkeerd te doen is reg” is die strydkreet. Moreel kan ons seker nie baie laer daal nie.

Die devolusie van biologie is die kind van revolusie, en duisend maal meer destruktief.

Terloops; Ek het gister my gumboots en Jet Store onderbroeke in die straat voor buurman se huis gaan brand. Buurman het nie die uitdaging aanvaar en van sy duurder Edgars onderklere kom brand nie. Ek moet rapporteer dat my status in ons buurt sederdien ook nie `n snars toegeneem het nie. Dit moet dan seker toegeskryf word aan ons gestagneerde (arm) blanke kultuur.

Ek oorweeg dit om Diepsloot toe te trek. Dinge brand daar. Jou status hang nie af van of jy ouderling of diaken is of die skoolhoof ken of jou lyfarts op sy voornaam noem nie. Ook nie hoeveel zol jy rook nie, maar hoe lekker jou Armani hemp, jou Carvela skoene en Carlucci belt rook as jy petrol daaroor gooi.

Ruffian: Skurk, booswig.

Paul Theroux, die befaamde, bekroonde, depressiewe wêreld reisiger (nie John Paul die groot filosoof nie), noem alle polisiemanne in Afrika “nothing more than licensed thugs.” Dus sluipmoordenaars of verwurgers met `n lisensie.

Hier by ons te lande en in ons Moedertaal sou dit dalk meer beskrywend wees om hulle gelisensiëerde skurke of booswigte te noem.

Kry ons laataand op `n Saterdag so `n ligte aanmaning van hoe ver ons al op die pad na anargie gevorder het in hierdie droewe land.

Sit en kyk ons TV toe die honde ons waarsku dat iemand voor ons hek staan. Ma staan op om die honde stil te maak en sien dit is ons gewilde manne in blou wat ons kom besoek. Gelukkig is die hek gesluit en kan hulle nie op die perseel kom nie. (is dit nie droewig dat mens moet sê ‘gelukkig’ kan die polisie nie jou perseel betree nie?)

Hoe ook al, Ma vra wat is die probleem. Maak oop die hek sê man-een-in-blou. Ons kom julle arresteer.

Vir wat wil julle so iets doen, vra Ma erg verbaas.

Julle het iemand raakgery met julle blou Skyline en toe weggejaag, sê man-in-blou nommer twee aggressief. Maak oop die hek.

In die eerste plek, sê Ma nou omgekrap, ons het ons blou Skyline agt jaar gelede al verkoop en die nodige dokumente by die munsipaal ingehandig. Die man aan wie ons die kar verkoop het werk hier straat af by die apteek, loop soek hom. Ek het skriftelike bewys, geteken deur die koper dat hy die kar by ons gekoop het. Ons het net `n wit kar en wit bakkie op die erf, geen blou kar nie.

Maak oop die hek, ek wil jou kar sien, sê man-in-blou nommer een kwaad.

In die tweede plek, sê Ma, waar is jou lasbrief. Jy kom nie op my erf sonder `n lasbrief nie.

Manne met hulle groot skietlus knor; bring jy die bewys van verkoop, ons kom terug met `n lasbrief. Vannaand smyt ons julle altwee in die tronk!

Ek sit rustig voor die TV, weet van niks. Ma storm die huis in, hoogs ontsteld en vertel die storie. Moet die bewys nou kry, hulle kom terug en dan slaap ons in die tronk vannaand.

Ek sê kalmeer. Eerste plek, hoekom roep jy my nie om met die menere te praat nie. In die tweede plek, het jy die afgelope 8 jaar met die blou kar gery? Hoe kan hulle jou in die tronk sit as jy nie die kar bestuur het wat jy 8 jaar gelede reeds verkoop het . Is nie ons probleem nie.

Baie braaf is ek. Ek weet goed die bliksems kan en sal ons in die tronk stop vir die eenvoudige rede dat ons wit is, al het ons niks verkeerd gedoen nie. En dan is die kanse goed dat ten minste een van ons op pad selle toe verkrag gaan word ook nog. Dit het onlangs hier by ons gebeur. Dit het ook gebeur dat `n onskuldige vrou reg voor die polisiekantoor doodgeskiet is deur `n polisieman, een van ons “licensed thugs”.

Maar hulle kom toe nie terug nie. Die volgende dag gaan soek ons die man wat ons kar destyds gekoop het. Sê hy ja, die polisie was by hom en hy het vir hulle gesê hy het die kar lank terug by ons gekoop, maar hy het dit in Desember weer aan iemand anders verkoop.

Nog nie weer van die bose manne-in-blou gehoor nie. Hoop dit bly so.

Die vreemde nadraai van die storie is dat ons huis vir dae lank dopgehou is deur `n vrou wat beweer sy is die een wat in die ongeluk betrokke was. Ons kry haar voor ons hek toe ons met die honde gaan stap. Vra sy of ons by die adres bly. Is glo die adres wat die polisie vir haar gegee het en die polisie doen niks aan die saak nie, nou speel sy self speurder.

Haar storie is dat dit Nigeriërs was wat in die blou Skyline was en hulle het probeer om haar in haar BMW te kaap, en dit is soos sy dit aan die polisie vertel het.

Die vraag is nou, waarom wou hulle ons toesluit as hulle geweet het die mense in die Skyline was almal swart?

Die antwoord is dalk ‘omdat hulle `n lisensie het om te kan doen wat hulle wil’ en dis tragies.

Die sondagblad, die grootste Afrikaanse een in die ganse wêreld, is ook maar trietsiggerig. Ons “bekokstower” het nie weer die woord bekook nie, en Rachelle Greef het op die kreef gaan staan en kots. Klitsgras Bellingan raak omgeklits en heel stekelrig oor vuil water terwyl ons vriend Koos op sy oudag (en na menige brandewynbottel sy gat gesien het) verdrietig lamenteer oor die voël toe nooit regtig vry geword het soos wat hy destyds beloof het sy struggle vriende beslis en sonder twyfel met die voël sou doen nie. Hy voel beswaard want die onderwys, wat destyds so swak en so `n onmenslike simbool van onderdrukking was, is vervang met `n voël van anderste, veronderstelde wonderlik bevryde  vere, en die voël het nou `n windeier gelê. Aldus vriend Koos.

En so gepraat van voëls. Mens verstaan ons Prez ook nou baie beter na sy slim planne met rygoed aan ons verduidelik is. Man gebruik 4 vliegtuie om van hier tot in New York en terug te kom.  Drie vlieg gelyktydig en op die laaste been terug ry hy sommer `n vreemde Franse meisie (Airbus A340) terwyl die ander 3 in gelid volg.  Die verduideliking vir die baie rygoed vir een trip? Vir as daar met een fout sou gaan, dan is die ander nog daar om te kan ry. Nou verstaan mens hoekom hy so baie vrouens het?

Dan word ons ook deur `n ouerige antie Z Jongbloed ernstig gemaan om te begin dink aan die nasionalisering (of is dit die voëlvry verklaar )van goeters soos myne en banke en plase soos deur die malman en sy trawante op aangedring word. Mens het begrip vir die soort van ding. Gesondheid, onderwys (hoog en laag), verdediging en die provinsies is deur staasamptenare briljant tot anderkant bankrotskap geplunder, maar banke (sommige boere) en myne maak nog goed geld en dit is onregverdig, nee, dit is onmenslik. Die sluise moet oop, die dam moet leeg.

En so waggel die land die weg van die Dodo terwyl die honde en die varke en die plunderaars/veroweraars (net soos die Hollanders destyds op Mauritius gedoen het) die lewe uit hom uit wurg vir die pret daarvan.

Daar is darem ook goeie nuus. Discovery Health het besluit dat jou psigiatriese hulp van hierdie jaar af onbeperk gedek gaan word. Wat `n verligting. Nou kan ek en my psigiater rustig verder gesels met die stemmetjies in my kop.

Staan Ma gister in `n winkel by die betaalpunt. Pak haar mandjie met buit uit om te betaal. Is `n sak vol peuselgoed; pasteitjies, tertjies, brood en so aan.

Staan daar `n ouerige dame agter haar in die tou van gesoute kopers. Ma ken haar van g’n kant af nie. Die tante kyk so na Ma se koopsels en sê; “Oo, besig om op te stock vir die naweek.” Nie `n vraag nie, ook nie `n stelling nie, maar tog op `n manier soort van beskuldigend.

Kyk Ma haar so op haar WTF manier aan en, nie lus vir nonsens nie sê sy; “Nee, besig om op te stock vir `n begrafnis” en pak haar paksels (of is dit stoksels?) rustig verder uit.

Dame agter die til proes van die lag. Antie staan effe tru en sê nie `n woord nie.

“Is so,” sê Ma vir die tiller. “Buurman is dood en sy help koop aan iets om te eet vir die mense na die begrafnis.”

“Skuus dat ek lag.” sê die tilvrou verleë.

“Is OK, vergeet dit,” sê Ma en strompel onder die las van haar stoksels die winkel uit.

Stock op vir `n begrafnis! Het nooit so daaraan gedink nie. Ek onthou`n neef van my was destyds nie by my ma se begrafnis nie. Toe iemand hom vra waarom nie, was sy antwoord dat hy nie daardie maand begroot het vir `n begrafnis nie! Nou wil ek nie snaaks wees nie, maar sal iemand asseblief vir Ma gaan sê ek het ook nie hierdie maand begroot vir opstok vir `n buurman se begrafnis nie. As daar nog so `n onvoorsiene, onbeplande begrafnis iewers vorentoe opduik waarvoor ons nie begroot het vir die opstkkery nie, dan gaan sy die jaar weer nie see toe nie.

Ja, Buurman is nou onder die kluite, maar hol nog soos `n mal haas hier in sy huis rond. Dit gaan laaank vat vir die man om tot ruste te kom. Ma sê dat, van die dag van sy dood af, as sy vrou en kinders iewers heen gaan, dan loop hy hier in ons huis rond op soek na hulle. Snaaks dat hy nie saam met hulle winkels toe gaan nie. Hy was baie lief vir shopping.

Hy was `n vriendelikke, vrolikke klein kaalkop mannetjie van Tjeggiese afkoms. Net 42 jaar oud. Hy gaan gemis word by sy werk en by sy huis.

So val ons om, een vir een. Ma se neef Kobus, omtrent so oud soos Buurman, lê ook in die hospitaal, ook met kolonkanker. Dit kap weer  woes in ons bos. Mens voel die wind van die ou swarte se sekel teen jou lyf. Miskien is dit tyd om die nekkie uit te hou en te sê; “Do your damnest.”

Mens bestaan dus eers, en dan word jy wat jy in essensie is. Die “essensie” is nie `n vasgelegde iets wat jy moet of sal word nie, dit is `n wordingsproses van dag een tot die dag dat jy dood.

‘Morality precedes religion’ lyk dit, is die nuwe ateïstiese/sekulêre credo.

Of dan:” Human decency is not derived from religion. It precedes it”

Met ander woorde, die mens is in essensie moreel (decent). Godsdiens het niks daarmee te doen nie. Mens is noodwendig moreel en dan kan jy kies of jy godsdienstig/ateïs/agnostikus of wat ook al wil wees.

Volgens teorië van, en en navorsings bevindinge deur ontwikkelig siekundiges, is daar bepaalde stadia van moraliteit waardeur `n mens  ‘groei’ gedurende sy leeftyd. Kohlberg byvoorbeeld identifiseer 6 stadia van morele ontwikkeling.

Interessant is dat die eerste stadium van morele ontwikkeling by die kind (die pre-konvesionele staduim) gekenmerk word deur totale egoïsme. Met ander woorde, alles wat goed is vir my, is goed, punt.

Nou is dit so dat, in die volwasse wêreld, gedrag wat spruit uit uiterste vorme van egosentrisme, nomaalweg beskou word as immorele gedrag. Dit druis in teen die sosiale gewete, dit druis in teen normale sosiale gedrag, teen alles wat die ordelike werking van `n samelewing in stand hou.

Met ander woorde die heel eerste en basiese ‘instink’ van die mens is immoreel, en nie decent soos  Hitchens skynbaar beweer nie. Kinders moet van meet af aan  geleer word wat is moreel en wat is immoreel, en hierin, sê sielkundiges, speel ouers, die samelewing, die skool en die kerk `n kardinale rol.

Die kind leer baie gou dat grootmense bepaalde gedrag goedkeur  (en dat jy daarvoor beloon word) en dat grootmense ook bepaalde gedrag afkeur (en dat jy daarvoor gestraf word). Die kind redeneer dus dat beloning is beter as straf vir my en daarom is dit beter om ‘goed/moreel’ te wees, as om ‘sleg/ immoreel’ te wees.

Kohlberg en ander se bevinding is dat meeste mense ontwikkel tot by die konvesionele staduim van morele ontwikkeling en dan daar vassteek vir die res van hulle volwasse lewe. In hierdie staduim is dit vir die individu belangrik om deur die samelewing aanvaar te word, om die goeie ou in jou eie oë en die van ander te wees. Die samelewing dwing basies sy morele kodes op die individu af deur sanksies wat wissel van afkeur tot verwerping tot fisiese straf, en selfs die doodstraf in uiterste gevalle.

En hierin lê dan die ‘crux’ van die saak van morele gedrag, dat die meeste volwasse mense self op die regte pad gehou moet word deur dwang. Nou is dit so dat die enigste agente vir die afdwing en instandhouding van die morele orde hoofsaaklik die ouers, die skool en die kerk is, en in uiterste gevalle van immorele/misdadige gedrag natuurlik die polisie.

Die mens is dus nie van nature ‘decent’ nie. Sodra sosiale beheer (soos Andrew aan sy eie bas gevoel het) in duie stort, stort die hele morele sisteem in duie en elke ou jaag sy eie belang na sonder in agneming van ander se belange en wense. Wat natuurlik in skrille kontras staan met die idee dat die mens inherent moreel en goed is.

Nêrens op hierdie aardbol bestaan daar vandag enige waardesisteem wat nie sy wortels in een of ander godsdienstige of ‘geestelike’ sisteem, hetsy Christelik, Hindu, Buddhis, Shinto, Voorvaders, Islam of wat ook al het nie, en dit is hierdie sisteme wat die anker vorm van die (gebrekkige?) morele padkaart wat deur alle samelewings gevolg word en wat hulle op hulle lede afdwing terwille van ordelike naasbestaan.

Uiteindelik is “spiritualy derived moral principles” dus die dryfveer van “sosiaal aanvaarbare” gedrag vir die massas in alle samelewings soos dit vandag (en nog altyd) bestaan het.

Om dus te sê: “Human decency is not derived from religion. It precedes it”  is om te sê ; “Human decency precedes society” en dit, sê ontwikkeling sielkunde vir ons is ‘onnoselgeit’

Maar om te sê: “Human decency is not only derived from religion” sou nader aan die waarheid wees want Kohlberg en ander noem ook dat sommige, inderdaad baie min mense, verder ontwikkel as die konvensionele staduim en vorder tot by die postkonvensionele staduim.  Op hierdie vlak glo die individu; “.. as a rational person, in the validity of universal moral principles, and a sense of personal commitment to them.”  Let wel die stelling is “as a rational person”. Die individu kom dus tot hierdie gevolgtrekking deur die rede, deur die gebruik van sy verstand.

Slegs op hierdie vlak, en enige moontlike vlak wat hierop mag volg, is daar hoogs ontwikkelde individue wat verstaan dat daar bepaalde morele beginsels is wat opsigself en universeel reg en goed en geldig is en na gevolg moet word, selfs al sou hulle bepaalde samelewing, kerk, godsdiens,  heilige geskrifte of statutêre wette dit nie goedkeur nie.

Maar weer eens, om hier uit te kom moet die individu eers deur al die vorige vlakke van ontwikkeling ‘groei’. Die individu se morele denke en gedrag word dus noodwendig gevorm deur die samelewing (ouers, skool, kerk). Hierna kan hy by hierdie invloede verby beweeg en deur `n proses van individuasie onwikkel tot waar hy of sy verstaan dat morele waardes universeel geldend is, en nie groepsgebonde en/ of arbritrêre reëls is wat priesters en gemeenskapsleiers uitgedink het nie.

Om die ‘gepeupel’ uit die hoogtes van hierdie vlak van denke, van insig, te wil verguis en te wil beledig en kleineer omdat hulle nie jou ‘groot  waarheid’ kan insien nie, is om moreel eties dalk hoogs gevorderd te wees, maar steeds egotisties opgeblase en selfs immoreel te wees.

Dit is eers, soos Wilber dit ook stel, as die individu die (veroordelende?) intellek transendeer (noem dit satori, kensho, enlightenment, a beautiffic experience) dat hy kan wegstaan van die samelewing, die skool en die kerk se soms brutale morele kodes, en op grond van insig en direkte belewenis  verklaar; dit is so, die geskrifte is waar, morality (human decency) is not derived from religion or any other human institution or intellectctual deliberation, it is the essence of all life.

Dus: Morality does not precede religion, morality precedes life.

Ek wil so ver gaan as om te sê; jy kan, volgens jou bepaalde samelewing se standaarde, `n heel decent ou wees (want hulle het jou mos so geleer!) maar dit maak nie noodwendig van jou `n ware morele mens volgens universeel geldende morele standaarde nie.

Nou is die prenkie klaar. Fotograaf sal die naweek met haar duur kamera`n ordentlike foto neem en dan sal dit op die “Prenkie” blad gesit word.

Die volgende projek sal moontlik `n kaal landskap wees!!!

`n Meisie by die kunswinkel waar ek soms aankope van verf en kwaste en doeke doen het my genooi om na haar versameling fotos van nudes te kom kyk. Sal moet gaan kyk. Die mark vir kaal meisies is baie groter as vir portrette, en dit is makliker om te skilder!

Kry ons van tyd tot tyd ons kwota opwinding hier in ons buurt. Normaalweg is dit heel rustig met `n motorkaping hier en daar, `n inbraak en aanranding nou en dan en selfs moord. As ek reg onthou is Teazers se baas hier naby ons bokveld toe gestuur.

Nou is dit dat mense hier maar effe onrustig en versigtig is, soos mense ook in die res van ons verdoemde land deesdae is. Met dat Buurman oorkant nou in sy laaste dae met die groot K stoei, kom van sy werk se mense nou eendag kuier en vir laas groet. Hou `n kar vol vrouens in die straat voor sy deur stil. Kom `n ander kar stadig aangery en hou agter die vrouens stil en die bestuurder, `n ge-dreadlockte swart man, klim uit en loop na die kar met die klomp vroumense in.

Dis toe dat Hollander van langsaan na sy asem snak, sy pistool gryp en op die Dreadlock afstorm, Wilde-Weste style. Hande in die lug, bulder hy. Ons kyk te veel misdaad stories op TV.

Die vrouens gil, Dreadlock staan versteen en staar na die pistool in sy gesig.

Dit draai toe uit dat Dreadlock een van die kuiergaste van die werk af is en nie van die motorkaper soort nie.

“You whities have got a problem man” was die kommentaar van Dreadlock na die probleem uitgesorteer is.

Ja, ek dink ons whities het `n probleem, ons lewe in `n land waar misdaad die normale manier van doen geword het. Jy weet nie meer wie is vriend en wie is vyand nie. Gelukkig sien ek het Zuma en sy bende (misdadigers) nou die voorvadergeeste gaan vra om die land en sy mense te help in hierdie jaar van Onse Liewen Heer 2012.

Fantasties. Nou kan dit net beter gaan.

but stays the same:

trees, grass, rocks, hills.

Every step confirms existence

but I’m not there.

Photographs are the only proof.

Hierdie eerste dag het ons by die Lion King en sy maters gaan deurbring. lees die boek van Kobie Kruger “All things wild and wonderful” oor hulle wedervaringe met die grootmaak van `n klein leeutjie, en dit inspireer ons om die katte te gaan opsoek en nader kennis te maak.

Die ou Koning homself

Boetie kou die huis se mure van verveling.

Jy mag aan hulle vat, maar nie aan die kop of stert nie want dan byt hulle. Ek dink nie regtig so nie. Ek dink hulle sal met jou speel soos `n kat of hond met jou sal speel, net baie rowwer en dit kan wonde veroorsaak en tot eise teen die park lei.

Een van die wit maanhaar hier bo se wyfies.

Daar is wilde honde ook

en `n luiperd sonder kop

en toe het ons gaan eet by Garden World, en toe het hy gaan slaap want die nuwe jaar het hom uitgeput.