Los gedagtes op Sondag

 

Staan onse Prez rondborstig en verklaar; is omdat ons in hierdie land so drasties optree teen korrupsie dat dit wêreldwyd so baie in die pers gerapporteer word! In ander lande, sê ons Prez, gaan dit slegter as hier by ons, maar hulle laat dit toe, doen mee en daarom is dit net nou en dan in die nuus.

`n Ou klein denkfoutjie wat mens nie van `n land se hoogste amptenaar verwag nie, maar dit is Afrika.

Dit rëen selde in die woestyn, maar as dit rëen dan word dit vermeld. As dit nie rëen nie, dan is daar niks om te rapporteer nie.  ´n Aardbewing in gebiede wat gereeld deur aardbewings geteister word, is altyd nuus, en ´n gepaardgaande tsunami is groot nuus.

Die wapenskandaal sal Suid Afrika se Chernobil op die politieke landskap bly vir so lank as wat die ANC regeer. Die letsel gaan vir ewig bly sit as aanklag teen die ANC en hulle grypsug tot in die hoogste gestoeltes. Die skandalige omvang van korrupsie op alle gebiede onder ons amptenary skud die land aanhoudend soos een tsunami na die ander. Dit is nuus, groot nuus en daarom is die koerante vol daarvan. Nie omdat die regering dit probeer uitroei nie, maar omdat hulle dit of ooglopend toelaat, of meedoen daaraan. Dit is so eenvoudig as wat dit is.

Skandalig soos dit ook al mag wees (iemand sê anderdag as die bedrog of “overspending” minder as tien miljoen Rand is, dan is dit al vir ons vuisvoos belastingbetalers ´n bargain) is die skandes onder eie volk se geledere nie minder gek nie. Die Dozi-Tjoklits bekgeveg is maar een voorbeeld daarvan. Genade, dit is nou glo ´n teken van jou goeie Christenskap en groot bekeerdgeit as jy ´n ander man nie bloedbek donder as hy jou beledig nie, maar jy mag vir hom sê hy is ´n doos (of kam sy hare soos ´n doos). Wonderlik wat die Bybel sommige mense leer.

 

Wêreldwyd is daar egter geen einde aan gekheid nie. “Kenners” sê Iran sal nie so dom wees om ´n kernbom op Israel te gooi nie, want hulle weet dat die vergeldingsaanvalle met kernwapens moontlik die grootste deel van hulle eie bevolking gaan uitwis.

Iran se leiers is fanatiese Islamiete. Islam se aanhangers blaas hulleself stelsematig die ewigheid in met selfmoord aanvalle op “die vyand” in die naam van Allah. Deur selfmoordaanvalle bewys hulle hulle totale toewyding aan hulle god en word hulle as helde vir Islam vereer. Daar is geen groter eer vir ´n individu as om te sterf vir Islam nie.

Hoeveel groter sal die eer nie wees as ´n ganse volk bereid is om homself op te offer in die proses om ´n bose vyand vir ewig van die aarde af te vee nie, alles  tot eer van hulle god. In grootsheid en eerbied sal hulle geen gelyke in die wêreld van Islam hê nie, en die beloning in die Hemel sal nog groter wees.

Waar selfs Allah so baie maagde op kort kennisgewing vir al die manne wat skielik by die Poorte instroom, bymekaar gaan kry, weet nugter.

Siva: “Life is a painful process. Youth grows old, love grows cold. The journey is never as liberating as we anticipate.”

“In a way, what most people really do want is relief – not fulfillment of desire, not even the renunciation of desire, but the eradication of desire. True happiness is impossible. The little bits of hapiness that we do experience only make us more miserable by contrast.” (Uit “Philosophy made simple” deur Robert Hellenga).

Miskien is dit dit wat Islamiete en atïeste se begeerte tot innihilasie aandryf. Diep in hulle onderbewuste is daar die wens om begeerte vir ewig, totaal en al uit te wis, en daarmee saam die teleurstelling en misrabelheid wat onafwendbaar daarmee saamgaan.